[ Beta ]

AUSTRALIJAN OPEN

Pobjede Simona, Karlovića i Andersona

Francuski teniser Žil Simon plasirao se danas u drugo kolo Otvorenog prvenstva Australije u Melburnu, pošto je pobijedio Urugvajca Pabla Kuevasa poslije tri seta, 6:1, 6:3, 6:3.

Simon je šest puta oduzeo servis Kuevasu, koji je napravio jedan brejk.

Francuz će u drugom kolu igrati protiv domaćeg tenisera Nika Kirjosa.

Hrvatski teniser Ivo Karlović pobijedio je Kanađanina Vaseka Pospišila sa 7:6, 6:4, 7:5. On će igrati protiv Francuza Gaela Monfisa.

Južnoafrikaanac Kevin Anderson pobijedio je poslije skoro četiri sata bjeloruskog igrača Ilju Ivaška sa 6:4, 2:6, 4:6, 6:4, 7:6. On će igrati protiv Amerikanca Tejlora Frica.

Poslije pet setova završen je i duel Belorusa Egora Gerasimova i Norvežanina Kaspera Ruda. Pobijedio je Gerasimov sa 6:3, 7:6, 1:6, 4:6, 7:6.

U drugom kolu on će igrati protiv Aleksandra Zvereva, koji je pobijedio Italijana Marka Čekinata sa 6:4, 7:6, 6:3.