[ Izvor: Beta, Objavila: M.M.Lj. ]

133:118

Denver savladao šampiona NBA

Nagetsi su na domaćem parketu savladali Toronto Reptorse rezultatom 133:118.

Nikola Jokić je ponovo bio nezaustavljiv i meč je završio sa 23 poena, 18 skokova i 11 asistencija, uz jednu ukradenu i dve izgubljene lopte.

Ekipa iz Kolorada je dobro ušla u meč i već tokom prve četvrtine došla do dvocifrene prednosti, ali je, kao nerijetko ove sezone, u drugoj doživjela pad.

Toronto je uspio da od -14 dođe do potpunog egala na poluvremenu, a podjednako dobro se držao i u trećoj četvrtini.

Izabranicima Nika Nursa nedostajala su tri bitna igrača – Ibaka, Vanvlit i Gasol – a to se najviše osjetilo u posljednjoj dionici, koju je Denver riješio u svoju korist sa 33:22.

Nagetsi su se "odlijepili" na samom startu i mirno priveli meč kraju, te se izjednačili sa Los Anđeles Klipersima na drugom mjestu Zapada, iza Lejkersa.

Kod domaćina se istakao Džamal Marej sa 22 poena i pet skokova. Tori Kreg je imao 17, a Džerami Grent 16 poena.

Na drugoj strani utakmicu karijere imao je OG Anunobi, koji je imao rekordnih 32 poena, ali i po sedam skokova i ukradenih lopti. Norman Pauel je imao 24 poena, a Kajl Lauri 17, uz osam uspješnih dodavanja.

Ostali rezultati:

Klipers – 76ers 136:130

Timbervulvs – Maveriks 91:111

Nagets – Reptors 133:118

Kings – Pistons 106:100

Pelikans – Lejkers 114:122

Voriors – Vizards 110:124