ČETVRTI PUT

Lebron Džejms MVP lige

Lebron Džejms će sjutra četvrti put u karijeri biti proglašen najkorisnijim igračem lige (MVP) i tako se pridružiti velikanima kao što su Majkl Džordan, Bil Rasel, Karim Abdul-Džabar i Vilt Čembrlen, koji su najmanje toliko puta osvajali ovu nagradu, prenose američki mediji.

 As Majamija će odbraniti trofej koji mu je pripao i prošle godine u kojoj je predvodio Hit do titule.„Zaslužio je to. Imao je još bolju sezonu nego prethodne dvije. Mnogi su mislili da ne može bolje od toga, ali je Džejms dokazao da je sposoban da pomjera granice“, rekao je trener tima sa Floride Erik Spoelstra

Jedan od najboljih igrača svih vremena je u regularnom dijelu tekuće sezone imao učinak od 26,8 poena, 8 skokova, 7,3 asistencije, 1,7 ukradenih lopti i jednu blokadu u prosjeku po utakmici. U svakoj od  kategorija: poeni, asistencije, ukradene lopte i procenat šuta kotiran je među prvih deset igrača u ligi.

"Kralju" će nagrada biti uručena iz ruku komesara NBA Dejvida Šterna prije  početka prve utakmice polufinalne serije protiv Bruklina ili Čikaga.