[ Beta ]

BUNDESLIGA

Kordoba u završnici donio bod Kelnu

Fudbaleri Kelna i Fortune iz Diseldorfa odigrali su večeras neriješeno 2:2, u posljednjoj utakmici 27. kola Bundeslige.

Fortuna je povela u 41. minutu golom Kenana Karamana, a domaći Keln je propustio priliku da izjednači u 59. minutu kada je Mark Ut promašio penal.

Dva gola prednosti Fortuni donio je Erik Tomi u 61. minutu, a Keln je golovima u samoj završnici uspio da osvoji bod. Prvo je zaostatak smanjio Antoni Modest u 88. minutu, a konačan rezultat postavio je Džon Kordoba pogotkom u prvom minutu nadoknade vremena.

Keln je u posljednje tri utakmice osvojio dva boda i 10. je na tabeli sa 34 boda.

Fortuna je propustila dobru priliku da se na bod primakne Majncu, koji je u bezbjednoj zoni. Fortuna ima 24 boda na 16. mjestu koje vodi u baraž za opstanak u ligi, a Majnc na 15. mjestu ima 27 bodova.