[ Beta ]

MAJNC IZNENADIO DORTMUND

Bajer nije iskoristio poraz Hofenhajma

Fudbaleri Hofenhajma poraženi su danas od Štutgarta sa 2:0, ali su pred posljednje kolo Bundeslige i dalje na mjestu koje vodi u Ligu šampiona.

Hofenhajm je četvrti na tabeli njemačkog prvenstva sa 52 boda, koliko ima i petoplasirani Bajer Leverkuzen, koji je igrao bez golova s Verderom i tako propustio priliku da nepreduje na tabeli.

Dva boda manje od Bajera ima Lajpcig poslije pobjede sa 4:1 nad Volfsburgom, a tri Ajntraht, koji je u Frankfurtu sa 3:0 bio bolji od Hamburga.

Štutgart je pobjedom nad Hofenhajmom ostao u igri za plasman u Ligu Evropa. Sa 48 bodova zauzima osmo mjesto i ima dva manje od Lajpciga.

Bod manje od Štutgarta ima Borusija Menhengladbah, koja je sa 3:1 na svom stadionu pobijedila Frajburg.

Borusija iz Dortmunda je kod kuće poražena od Majnca sa 2:1, Hanover na svom stadionu Hertu sa 3:1, a Šalke u gostima Augsburg 2:1.

Šampion Bajern Minhen je kao gost pobijedio budućeg drugoligaša Keln sa 3:1, iako je gubio na poluvremenu.