SERIA A

Milan usporio hod ka LŠ

Milan je odigrao bez golova sa Romom, tako da u posljednje kolo ulazi sa dva boda viška u odnosu na četvrtoplasiranu Fiorentinu.

Nakon pokušaja Boateng i Flaminija sa jedne, odnosno Osvalda sa druge strane, Muntari je u 41. minutu ostavio drugove na cjedilu, jer je dobio crveni karton.

Nije mogao da se pomiri sa odlukom arbitra, ušao je u raspravu sa sudijom, čak ga je i vukao za ruku,  ali su na vrijeme saigrači uspjeli da ga smire.

Milan je prvi zaprijetio i u nastavku. Baloteli je pokušao iz slobodnog udarca, ali Lobont bez mnogo problema odbranio.

Roma nije uspjela da iskoristi brojčanu nadmoć koju je imala do 90. minuta, a onda je i „Vučica“ ostala s desetoricom zbog dva brza žuta kartona Totija. Kapiten "Vučice"  je drugi žuti  dobio zbog udaranja laktom bivšeg saigrača Filipa Meksesa.