- Hronika
- Kolumne
-
Radio
- Izdvajamo
-
Emisije
- Novosti dana
- Dokumentarni program
- Pop top
- Europuls
- Zrno po zrno
- Radio ordinacija
- Kulturna panorama
- Zelena priča
- Epoleta
- +382
- Spona
- Svijet jednakih šansi
- Matica
- Život po mjeri čovjeka
- Link
- Izokrenuti svijet
- Koracima mladih
- Moja profesija je...
- Sportski program
- Kulturno-umjetnički program
- Koracima prošlosti
- Naučno-obrazovni program
- Muzički program
- RCG
- R98
- Programska šema
- Trofej Radija Crne Gore
- Frekvencije
- Radio drama
Ditari
05. 07. 2013.
17:59 >> 18:20
LAJMET 05.07.2013
05.07.2013
Nga e hëna e ardhshme, procesi i falimentimit në KAP
Nga e hëna e ardhshme do të futet procesi i falimentimit në KAP, njofton e përditshmja “Dnevne novine”. Afati për futjen e falimentimit ishte caktuar për më 16 korrik, por drejtuesi në falimentim e ka përshpejtuar procedurën , në mënyrë që kjo fabrikë të vazhdoj me eksportin e aluminit. Momentalisht, KAP ka në depot e veta rreth një milion vlerë alumin, të cilin nuk mund ta eksportoj, pasi që VT banka Ruse, nuk dëshiron të transferoj mjetet nga shitja e aluminit.
Futjen e procesit të falimentimit , e ka kërkuar ministria e financave, më 14 qershor, për shkak të afro 25 milion euro garanci të dhëna kësaj kompanie e të cilat Qeveria vitin e kaluar i ka paguar Dojçe bankës gjermane.
Qeveria ka vendosur futjen e falimentimit për shkak të mosgatishmërisë të partnerit rus, të jetë kooperativ, dhe i cili ka refuzuar në nënshkruaj pëlqimin që mjetet të cilat shteti ia ka borxh KAP-it, të shfrytëzohen për paguarjen e rrymës elektrike, të konsumuar në mënyrë jolegale.
KAP ,,,,,,,,
Arrihet marrëveshja për ndryshimin e ligjit për regjistrat zgjedhor
Grupi punues për ndryshimin e legjislaturës zgjedhore, ka arritur marrëveshjen për ndryshimin e ligjit për regjistrat zgjedhor, që do të ndihmoj në kthimin e besimit në procesin zgjedhor, ka deklaruar anëtari i këtij grupi punues në PDS, Predrag Sekuliq. Ai, pas mbledhjes së grupit punues, ka deklaruar për agjencinë Mina, se anëtarët e këtij trupi kanë propozuar zgjidhje të reja, kur është fjala për ligjin për regjistrat zgjedhor. “Kemi filluar punën në Ligjin për regjistrat zgjedhor dhe kemi bërë marrëveshjet e para konkrete. Andaj, besoj se zgjidhjet e reja do të ndihmojnë në kthimin e besimit në procesin zgjedhor , që është detyrë themelore e grupit punues”, ka thënë Sekuliq.
Ai, po ashtu ka pohuar se në punën e grupit punues , kanë kontribuar përfaqësuesit e Qendrës për monitorim, pastaj të Rrjetit për afirmimin e sektorit joqeveritar dhe të Qendrës për tranzicionin demokratik.
Sekuliq, paralajmëroi se mbledhja e radhës do të mbahet në fillim të javës së ardhshme.
Dabetiq; Në Beranë, nuk ka pasur diskriminim politik
PDS, nuk ka ndikuar në atë se kujt do t’i paguhet ndihma e përkohshme sociale në Beranë, ka pohuar shefi i këshillit të PDS në këtë qytet, Budimir Dabetiq. Ai, në mbledhjen e sotme të Këshillit anketues, i cili grumbullon faktet dhe të dhënat lidhur me aferën “incizimi”, ka pohuar se në Beranë , ka një numër të pa punësuarve dhe ka shtuar se në mbledhjet e organeve partiake ka kërkuar që ndihma tu paguhet të gjithë atyre që kanë të domosdoshme.
Dabetiq, po ashtu ka pohuar se në Beranë , nuk ka pasur diskriminim politik, dhe ka kërkuar që në institucione të punësohen të rinjtë nga Enti për punësim.
Anëtarët e Këshillit anketues, gjatë mbledhjes , e kanë pyetur Dabetiq, për çështje të shumta , të cilat sipas, tyre mund të ndihmojnë në grumbullimin e fakteve në zbardhjen e kësaj afere. Në vazhdim të mbledhjes së sotme, para anëtarëve të këtij trupi, do të përgjigjet shefi i Këshillit të PDS në Cetinë, Jovan Martinoviq.
Miratohet strategjia në zhvillimin e mëtejmë të mbrojtjes
Qeveria e Malit të Zi, ka miratuar pasqyrimin strategjik të mbrojtjes, i cili përmban modalitete dhe dinamikën e reformës në këtë lëmi. Siç është kumtuar nga Qeveria, me strategjinë e miratuar, ka përcaktuar kahjen e zhvillimit të mëtejmë të Ministrisë së mbrojtjes dhe të Ushtrisë së Malit të Zi.
Me këtë dokument , janë definuar qëllimet që tenton të arrijë vendi në strukturimin e sektorit të mbrojtjes.
“ Kështu, do të mund të përgjigjemi në mënyrë adekuate kërkesave gjithnjë e më të komplikuara dhe sfidave bashkëkohore në lëmin e mbrojtjes dhe të sigurisë dhe njëkohësisht do të plotësojmë kërkesat e qytetarëve dhe të partnerëve ndërkombëtar”, thuhet në kumtesë .
Sju Kej Braun; Qeveria Amerikane mbikëqyr dhe mbështet lirinë e mediave kudo në botë
Stejt Departmenti Amerikan , mbikëqyr lirinë e mediave kudo në botë dhe angazhohet për kushte të ndershme dhe lirinë e mediave , ka porositur Ambasadorja amerikane në Mal të Zi, Sju Kej Braun, me rastin e pranimit në rezidencën e sajë në Marez, në nder të 4 korrikut. Ajo ka shtuar se shoqëria civile, po ashtu ka rëndësi të veçantë në zhvillimin e demokracisë.
Braum, ka pohuar se këtë vit , me festimin e 4 korrikut, shënohen suksese të rëndësishme , të arritur duke falënderuar partneritetin e fuqishëm të SHBA dhe Malit të Zi. Ajo ka rikujtuar se në 12 vitet e kaluara, Qeveria Amerikane, përmes donacioneve të shumta ka ndihmuar Malin e Zi me më tepër se 243 milion dollar amerikan, përmes programeve të USAID, njoftojnë mediat e Podgoricës.
“Aktivitetet në lëmin e pushtetit të së drejtës janë të koordinuara ngushtë me Qeverinë Malazeze dhe partnerët e shumtë nga policia, legjislatura dhe sektori civil”, ka thënë ambasadorja Braun.
Përfaqësuesit rajonal, njihen me masat restriktive ndërkombëtare
Përfaqësuesit e vendeve nga rajoni, morën pjesë në trajnimin për zbatimin e masave ndërkombëtare restriktive, me çrast janë njohur me mekanizmat që zbatojnë disa nga vendet e UE në këtë lëmi.
Nikoqir i këtij trajnimi i cili u mbajt në Podgoricë, ishte Ministria e punëve të jashtme dhe Integrimeve Evropiane , në bashkëpunim me Komisionin Evropian përmes TAIEX instrumentit. Në këtë takim , morën pjesë përfaqësuesit e Bosnjë Hercegovinës , Kroacisë, Kosovës, Maqedonisë, Serbisë dhe institucioneve relevante të Malit të Zi, të cilat merren drejtë për drejtë me zbatimin e këtyre masave.
Siç është kumtuar, pjesëmarrësit në këtë takim rajonal, patën rastin të njihen me disa nga mekanizmat që zbatojnë vende të caktuara të UE në këtë lëmi, në veçanti duke pasur para sysh mundësinë unike të dërgimit të ankesave në gjyqet Evropiane , në masat të cilat i ka futur Këshilli i UE.
Daçiq kundër Kuvendit të sapoformuar
Kryeministri i Serbisë Ivica Daçiq ka thenë në Beograd se formimi i djeshëm i “Kuvendit të Kosovës dhe Metohisë”, kurrsesi nuk do t’u ndihmojë serbëve të Kosovës.
”Serbia dhe serbët duhet të nxjerrin mësime nga historia, të bëjnë atë çfarë është më së miri për ta, e jo në dëm të vetin... Formimi i ‘Kuvendit popullit serb’ nuk do t’u ndihmojë fare”, tha Daciq për gazetarë në Qeverinë e Serbisë pas takimit me raportuesit të Parlamentit evropian Jelo Kacin.
Këshilltarët nga veriu i Kosovës kanë konstituuar dje në Zvecan “Kuvendin e Kosovës dhe Metohisë” dhe kanë theksuar se ai “është i domosdoshëm dhe shumë i nevojshëm për të mbrojtur jetët, pronën, të drejta e njeriut dhe liritë dhe identitetin “- thuhet në konkluzionin e tyre.
”Neve për këtë askush nuk na ka informuar, dhe kjo nuk është në pajtim me ligjet dhe Kushtetutën e Serbisë”, tha Daçiq.
Riker, takon zyrtarët e lartë Kosovarë
Zëvendës-ndihmës Sekretari i Shtetit Filip Riker ka arritur të enjten në një vizitë zyrtare në Kosovë, ndërkaq sot ai zhvillonë takime me përfaqësues të lartë të institucioneve.
Gjatë ditës sëç stome Reeker pritet të takohet me përfaqësuesit e institucioneve kosovare, si me presidenten Atifete Jahjaga, kryeministrin Hashim Thaçi, ministrin e Jashtëm Enver Hoxhaj.
Në orët e pasdites takime të veçanta, Riker do të ketë me kreun e LDK-së, Isa Mustafa, dhe atë të AAK-së, Ramush Haradinaj.
Vizita e Riker do të vazhdojë edhe nesër
Zgjedhjet lokale në gjithë territorin e Kosovës
Zgjedhjet lokale do të mbahen në tërë territorin e Kosovës dhe sipas ligjit për zgjedhjet, standardet ndërkombëtare dhe Kushtetutës së Kosovës. Ashtu siç e parasheh edhe marrëveshja, në zgjedhjet lokale, që do të mbahen me 3 nëntor, për herë të parë pritet edhe pjesëmarrja e qytetarëve serbë të katër komunave të pjesës veriore, është konkluzioni që doli nga bisedimet e grupit punues për zgjedhjet, në kuadër të zbatimit të marrëveshjes për normalizimin e marrëdhënieve në mes të Republikës së Kosovës dhe Serbisë.
Sipas komunikatës së Qeverisë, në agjendën e takimeve dyditëshe për zbatimin e marrëveshjes për normalizim në Bruksel, ishte definimi i rolit lehtësues të OSBE-së në katër komunat me shumicë serbe, dhe me këtë rast u arritën konkluzionet për këtë çështje dhe ky rol lehtësues i BE-së do të përcaktohet përmes një marrëveshjeje teknike në mes të KQZ-së së Kosovës dhe OSBE-së, që pritet të nënshkruhet së shpejti.
Procesi i liberalizimit të vizave , prioritet kyç për Qeverinë
Kryeministri i Hashim Thaçi ka thënë se sot në takimin e Komitetit Drejtues për Liberalizimin e Vizave se pavarësisht zhvillimeve rreth marrëveshjes me Serbinë procesi i liberalizimit të vizave mbetet prioritet kryesore për qeverinë.
Kreu i ekzekutivit kosovar u ka kërkuar më shumë angazhim anëtarëve të kabinetit të tij dhe gjithë segmenteve të kyçura në obligimet që dalin në udhërrëfyesin për liberalizmin e vizave .
Kryeministri ka kërkuar intensifikim përpjekjesh dhe ka shprehur optimizëm se kosovarët së shpejti do të kalojnë në Listën e Bardhë të Shengenit.
Autoritet e BE-së së fundi kanë kërkuar nga institucionet vendore hapa më të shpejt në finalizimin e aktet ligjore, nënligjore dhe strategjitë e nevojshme për të përmbyllur pakon Legjislative
Rama, kundërshton nacionalizmin
Kryeministri i ardhshëm Edi Rama në një intervistë në TV Klan Kosova ka shpjeguar mesazhin e 23 qershorit dhe të votës plebishitare. Rama thotë se ky është një mesazh që kërkon një ndryshim të domosdoshëm.
Rama ka shpjeguar edhe qëndrimin e qeverisë së re në lidhje me vendet e rajonit. Deklaratat nacionaliste tha Rama, janë thjeshtë fjalime alucinante.
"Unë e kam thënë përpara dhe e përsërisë edhe sot. Natyrisht nuk marrë përsipër të shqyrtojë gjithë zbërthimin e plotë të nacionalizmit. Por unë e kam shumë thjesht. Unë e refuzojë nacionalizmin. Unë zgjedh atdhedashurinë si një motivim i brendshëm për t’i shërbyer vendit duke mos harruar asnjëherë se problemet e vendit nuk zgjidhen përmes një lufte me të tjerët”, tha Rama në intervistën e realizuar në zyrën e tij të punës në Tiranë.
Ushtria egjiptiane garanton të drejtën për të protestuar
Ushtria e Egjiptit është zotuar se do të garantojë të drejtën e protestës, por ka paralajmëruar se nuk do të tolerojë asnjë veprim i cili do të kërcënojë sigurinë kombëtare.Deklarata e saj është postuar në rrjetin social Facebook, në prag të protestës, që kanë lajmëruar grupet islamiste për ditën e sotme pas faljes së xhumasë, kundër përmbysjes së Mohamed Morsi nga posti i presidentit të shtetit.Para kësaj deklarate, ushtria ka paraburgosur liderët e Vëllezërisë Myslimane, që mbështet Morsi.Ky krah politik e ka quajtur grushtshet përmbysjen e Mohamed Morsit, i cili ishte presidenti i parë i zgjedhur demokratik i Egjiptit.Ushtria është zotuar se nuk do të ndërmerrë “asnjë veprim të jashtëzakonshëm autokratik kundër cilitdo grupacion politik”.
Shtetet e Bashkuara, të cilat ndihmojnë Egjiptin me 1.5 bilion dollarë në vit, në ndihma ushtarake dhe civile, ka thirrur për kthimin “e shpejt dhe të përgjegjshëm” të një qeverie të zgjedhur demokratike dhe që autoritetet të përmbahen nga çfarëdo arresti “arbitrar”.
Pajtohen për të biseduar lidhur me akuzat për përgjime
Presidenti Barak Obama dhe Kancelarja gjermane Angela Merkel ranë dakord për organizimin e një takimi mes zyrtarëve amerikanë dhe gjermanë të sigurimit gjatë ditëve të ardhshme për të diskutuar zërat se Agjencia e Sigurisë Kombëtare ka përgjuar mbi 500 milionë telefonata, emaile dhe komunikime të tjera, që kanë kaluar përmes Gjermanisë.
Kjo ndodh ndërkohë që Këshilli i Evropës ka sugjeruar që qeveritë evropiane të presin që Shtetet e Bashkuara të shpjegojnë situatën para se të bëhen reagime të panevojshme për këto zëra.
Akuzat për përgjimin e telefonatave dhe aktivitetit të internetit në Evropë kanë dominuar titujt e lajmeve.Njoftimi për programin e përgjimit është bërë temë e nxehtë në fushatën zgjedhore në Gjermani.
Social-Demokratët, që pritet të sfidojnë Kristian-Demokratët e zonjës Merkel, po kërkojnë që Berlini të hetojë zyrtarët amerikanë të zbulimit.
Ata, kanë kërkuar që prokurorët gjermanë të shkojnë në Moskë për të marrë në pyetje Eduard Snoudenin, ish-kontraktorin e Agjencisë së Sigurisë Kombëtare që akuzohet se ka nxjerrë informata për programin e përgjimit të kësaj agjencie
Rusia, inkurajon bisedimet
Rusia ka inkurajuar Korenë e Veriut që t’i kthehet tavolinës së negociatave dhe t’i japë fund ngecjeve në bisedimet për programin e saj bërthamor.Zëvendësministri i jashtëm i Koresë së Veriut, Kim Gieguan ishte në Moskë të enjten mbrëma për të biseduar me homologun e tij zëvendës-shefin e diplomacisë ruse Igor Morgulov.
Një deklaratë, e lëshuar pas takimit, nga ministria e punëve të jashtme e Rusisë thotë se Morgulov ka nënvizuar “nevojën e përpjekjeve të përbashkëta që kanë për qëllim uljen e tensioneve dhe krijimin e hapësirës për rihapjen e bisedimeve gjashtëpalëshe”.
Kim raportohet ndërkaq të ketë thënë se “denuklearizimi i Gadishullit Korean ishte dëshira e fundit e themeluesit (të Koresë së Veriut) Kim Il-Sung”.
Ekspozitë e punimeve të Qemal Qetkoviq
Në Qendrën Informativo Kulturore “Malësia” në Tuz, sonte hapet ekspozita e punimeve, pikturave dhe vizatimeve të piktorit nga Tuzi, Qemal Qetkoviq. Siç na njoftuan nga kjo Qendër kulturore, ekspozita do të hapet sonte dhe për të gjithë dashamirët e artit figurativ, por edhe të tjerët, kjo ekspozitë me vizatime, piktura dhe grafik, do të jetë e hapur disa ditë.
Qemal Qetkoviq u lind në Tuz, ne vitin 1967. Jeton dhe punon në Tuz, ku edhe kreu shkollën fillore dhe të mesme. Për sa i përket artit, posaçërisht atij figurativ, Qemali është piktor, në artin figurativ i vetëmësuar, që nga fëmijëria e hershme. Edhe pse interesimet e tija për art janë më së shpeshti të kufizuara në aspektin e peizazheve dhe portreteve, për të nuk janë të huaja as teknikat tjera.
Në vizatimet e tija, grafika dhe punët me temper, dominojnë punimet e Tuzit të vjetër, rrethinës, kanjonit të lumit Cem.
Në punimet e Qemalit, me karakterin e tij dhe entuziazëm, ai tenton që të përjetësoj bukuritë e vendlindjes së tij. Qemali në pikturat e tij përdor disa teknika, si atë të lapsit, brushës e të tjera.
Ekspozita hapet sonte në ora 21, kurse vizitorët do të mund ta shohin atë gjatë shtatë ditëve të ardhshme.
Autor, Senad Gilaj
Neser, mot me diell,në orët e pas ditës me vransira të ndryshueshme
Në Mal të Zi mban mot kryesisht me diell, përveç në viset veriore ku mban mot me vransira të ndryshueshme, vende vend eme të rreshura të dobëta.
Frynë erë e dobët deri mesatare, kohë pas kohe deri e forte, e drejtimeve verilindore.
Temperatura në orën 14;
Ulqin 35 gradë, Podgoricë e Budvë 34, Petrovac 32, Herceg Novi 31, Cetinë e Tivat 30, Tivar 29, Nikshiq e Bjello Pole 27, Mojkovac 26, Plevlë e Shvanik 25, Kollashin, Beranë e Andrijevic 24, Plavë e Rozhajë 21 dhe në Zhablak 19 gradë.
Nesër , në viset jugore do të mbaj mot kryesisht me diell, kurse në viset veriore me vransira të ndryshueshme dhe intervale me diell.
Në orët e pas ditës janë të mundëshme të rershura kalimtare të shiut dhe bubullimë. Do të fryjë erë mesatare, kohë pas kohe deri e forte e drejtimeve veriore dhe verilindore.
Temperatura e mëngjesit prej 9 deri në 23, kurse më e larta e ditës prej 20 deri në 34 gradë celsjus.
Коментари0
Остави коментар